«Алдагы ирләреннән көнләште». Ире кыйнап үтергән хатынның дүрт баласы ятим калган

Башкортстанда күп балалы хатынны ире кыйнап үтергән. Бу турыда «Комсомольская правда» Благовещенский район судына сылтама белән хәбәр итте.

Фаҗига 2023 елның 9 сентябрендә була.

Суд ачыклаганча, гаепләнүче ир-ат хисләнә һәм хатынның алдагы ирләрен искә төшерә, талаш чыгара, аннары кыйнап ташлый. Кыйнаганнан соң, хатынның эчендә ябык травма була. Ул икенче көнне җинаять урынында күп кан югалтудан үлә.

Мәрхүмә хатынның 3 тән 15 яшькә кадәрге дүрт баласы ятим калган. Аларны якын туганнарына тәрбиягә биргәннәр.

Хатынның иренә карата җинаять эше ачылган. Судта ул гаебен таныган һәм үкенүен әйткән. Бу кешене 7 елга каты режимлы колониягә хөкем иткәннәр, диелә хәбәрдә.