Җырчы, алып баручы Мөнир Рахмаевның хатыны, блогер Илсөяр Рахмаевага операция ясаганнар. Ул бу хакта сторисларында хәбәр итте.
«Барыгызга да сәлам. Операцияне инде узган атнада ук ясаганнар иде, уңышлы булды. Хәзер алда иң авыры – тернәкләнү процессы. Тулы 1 атнага тормыштан төшеп калдым.
Тиздән барысын да тәфсилләп сөйләрмен. Бәлки, кемгә дә булса файдалы булыр», – дип язды блогер социаль челтәрләрдә.
Илсөяр фотога төшереп куйган палата бер дә гади хастаханә палатасына охшамаган. Блогерның берәр түләүле клиникада пластик операция кичергән булуы да ихтимал.
