Альбина Шаһиморатова Чикагода да Казанны сагына икән
Дөнья операсының супер йолдызы, Россиянең атказанган, Татарстанның халык артисты, Габдулла Тукай исемендәге дәүләт бүләге иясе Альбина Шаһиморатова Чикагодан торып Казан белән элемтәгә чыкты.
Әлеге көннәрдә ул Чикагода яши. Җырчы, эше бик тыгыз булуга карамастан, “Татар-информ” журналисты Мөршидә Кыямова белән аралашырга вакыт тапкан. Әңгәмә вакытында Альбина Шаһиморатова Казан сәхнәсен бик сагынуын белдергән.
"Казан минем иҗатымда аерым урын алып тора. Нинди генә дөнья сәхнәләрендә чыгыш ясасам да, Казан сәхнәсен сагынам", - дип әйткән дөньяда танылган җырчы.
“Татарстан республикасы дәүләт симфоник оркестры белән узачак концертка әсәрләрне күптән сайлап куйдым. Анда дөнья классиклары яңгыраячак. Программа бәйрәм рухында узачак. Татарстан тамашачысына бәйрәм бүләк итәсем килә. Киләчәктә татар классиклары һәм халык җырларыннан торган программа әзерләү теләгем дә көчле. Мине зур сәхнәгә нәкъ менә халык әсәрләре чыгарды, мин аларны һәрдаим чит ил сәхнәләрендә дә башкарам. Татар моңнарын күңеленә сеңдергән дирижер һәм оркестр табып теләгемне тормышка ашырырга җыенам”, - дигән ул.
Моңа кадәр Альбина Шаһиморатова: Казанга милли моңны сагынып кайтам, дип сөйләгән иде.
Узган көздә С.Сәйдәшев исемендәге Зур концерт залында һәвәскәр композитор, Әнвәр Шаһиморатовның 70 яшьлек юбилее уңаеннан оештырылган концерт булды. Фотолар шул концерттан:
"Казан минем иҗатымда аерым урын алып тора. Нинди генә дөнья сәхнәләрендә чыгыш ясасам да, Казан сәхнәсен сагынам", - дип әйткән дөньяда танылган җырчы.
“Татарстан республикасы дәүләт симфоник оркестры белән узачак концертка әсәрләрне күптән сайлап куйдым. Анда дөнья классиклары яңгыраячак. Программа бәйрәм рухында узачак. Татарстан тамашачысына бәйрәм бүләк итәсем килә. Киләчәктә татар классиклары һәм халык җырларыннан торган программа әзерләү теләгем дә көчле. Мине зур сәхнәгә нәкъ менә халык әсәрләре чыгарды, мин аларны һәрдаим чит ил сәхнәләрендә дә башкарам. Татар моңнарын күңеленә сеңдергән дирижер һәм оркестр табып теләгемне тормышка ашырырга җыенам”, - дигән ул.
Моңа кадәр Альбина Шаһиморатова: Казанга милли моңны сагынып кайтам, дип сөйләгән иде.
Узган көздә С.Сәйдәшев исемендәге Зур концерт залында һәвәскәр композитор, Әнвәр Шаһиморатовның 70 яшьлек юбилее уңаеннан оештырылган концерт булды. Фотолар шул концерттан: