Альбина Кармышева базарда хәйрия концерты куйган
Бу хәйрия концерты Яшел Үзән районында яшәүче 18 балалы гаиләгә ярдәм йөзеннән оештырылган.
Автор-башкаручы Альбина Кармышева хәйрия концертларында еш катнаша. Күптән түгел ул «Яңа Тура» базарында 18 бала тәрбияләүче Миңнуллиннар гаиләсенә багышланган хәйрия концертында катнашкан. Бу базарда сату эшен алып баручылар берәм-берәм үз товарларын биргән.
«Бу гаиләдә 16 бала балалар йортыннан алынган. Ел саен «Яңа Тура» сатучылары шушы гаиләгә һәм Яшел Үзән районындагы балалар йортына киемнәр, уенчыклар бирә. Шушы юл белән алар, ярдәм итеп, изгелек кыла. Мин дә читтә калмадым. Сумка-сумка әйбер күтәреп килә сатучылар… Бу дөньяда яхшы кешеләр бар әле, димәк», – ди Альбина.
