Альберт Валиуллин «Күзләреңдә сөю күрдем» җырын «Татар җыры-2023» концертында тамашачылар игътибарына тәкъдим итте.
Җырның авторлары – Айгөл Вәлиуллина һәм Дилүс Шәйхразиев.
«Барлык музыкаль мәйданчыкларда тыңлап була. Сөйгәннәрегез күңеленә бу җыр май булып ятсын! Салкын көннәрдә күңелегезне җылытсын. Әлеге җыр 339 метр биеклектән яңгырады», – дип язган җырчы социаль челтәрдәге сәхифәсендә.
«Тавыш, моң, җыр искитмәле»;
«Ник шундый матур соң бу җыр? Тыңлап туеп булмый. Тавышыгыз «ут»;
«Тирән мәгънәле җыр»;
«Әйе, җыр чыннан да күңелне җылыта торган. Күңел кылларын тибрәтә. Йөрәк түрендә бикләнеп яткан бар хисләрне уята! Рәхмәт, шундый матур җыр өчен! Шулай матур итеп башкаруыгыз өчен!»;
«Эреп китеп тыңлыйм бар җырыгызгы, күңелгә рәхәт тавыш» кебек комментарийлар белән канатландырганнар Альберт Вәлиуллинны.