Алабуга дәүләт музей-тыюлыгының Күргәзмәләр залында Алабуга дәүләт музей-тыюлыгының фонд җыентыгыннан «Адәм кабыргасы» күргәзмәсе эшли башлады. Бу турыда Татарстан Мәдәния министрлыгы матбугат хезмәте хәбәр итте.
Эшләрнең авторлары – танылган рәссамнар – Алабугада 20 ел дәвамында ел саен уздырыла торган заманча сәнгать буенча Халыкара арт-симпозиумда катнашучылар.
Биредә хатын-кыз образына багышланган 100 дән артык рәсем һәм графика эшләре тәкъдим ителә.
Күргәзмә 12 июльгә кадәр эшли, диелә хәбәрдә.