Россия Саклану министрлыгы Татарстан өстендәге күктә 1 пилотсыз очкыч бәреп төшерелүен хәбәр итте.
«Мәскәү вакыты белән 12.20 сәгать тирәсендә ПВО дежур чаралары белән Украинаның самолет тибындагы пилотсыз очу аппараты Татарстан Республикасы территориясендә юк ителде», – диелә хәбәрдә, дип яза «Татар-информ»
БПЛА Алабуга районы территориясендә юк ителгән. Район башлыгы Рөстәм Нуриев, районда БПЛА һөҗүме нәтиҗәсендә зыян күрүчеләр һәм корбаннар юк, дип белдерде үзенең Telegram-каналында.
«Бүген Алабуга районы территориясендә ПВО чаралары белән БПЛА бәреп төшерелде. Ашыгыч хезмәтләр белгечләре урында, барлык кирәкле эш алып барыла. Корбаннар һәм зыян күрүчеләр юк», – дип хәбәр итте ул.
