Актриса Алсу Фәйзуллина икенче тапкыр әни булды!
Габдулла Кариев исемендәге Яшь тамашачылар театры актрисасы, җырчы Алсу Фәйзуллина икенче ул алып кайтуы турында Инстаграм битендә хәбәр итә.
«Улыбыз, якты дөньга аваз салуың белән!!! Җәннәт җимешебез безнең, әтиең, абыең сине өйдә түземсезлек белән көтәләр! Аллаһы тәгалә ярдәменнән ташламасын!», — дип язган Алсу Фәйзуллина.
«Алсу, чын күңелдән котлыйм Сезне! Әти-әнисенә бу баланы шатлык-сөенеч, тигезлек белән үстереп, шатлык-сөенечләрен генә күрергә насыйп кыл. Үсеп җиткәч, хәерле бәндәләреңне насыйп итеп, матур гаилә коруларын да насыйп кыл. Амин. Бәхетле булыгыз», «Мәхәббәт җимешегез гаиләгезгә бәхет, шатлык алып килсен, төпле аягың белән, Әмирханның энекәше», — дигән комментарийлар калдырганнар актрисага.
