Автор-башкаручы, музыкант Азат Гыймадиев сөйгәне Марина белән никах укыткан. Куанычлы мизгелләрнең фотолары белән ул социаль челтәрләрдә бүлешә. «Бүген безнең никах көнебез. Яратам сине, Марина», – дип яза кияү егете.
Марина Төрекмәнстаннан. Әтисе фарсы, әнисе татар. Азат Гыймадиев үзенең акустик концертында мәхәббәтен фотосессиядә очратуы хакында сөйләгән иде. Аның сүзләренчә, Азат Марина белән беренче күрүдә үк парлы фотосессия ясаган. Бу вакытта аларның беренче күрешүләре булган. Азатның Марина белән йөреп китәчәкләре уена да кермәгән.
«Бер күрүдән ярату дигән әйбер булмады. Ул мине алдан ук, бер таләпсез һәм саф чиста мәхәббәт белән яратты. Шуның белән үзенә гашыйк иттерде», – дигән иде музыкант.
Азат белән Маринага тигез, матур мәхәббәт телибез!
Фото: © социаль челтәрләр
Фото: © социаль челтәрләр