Актерлар Илсөя һәм Рамил Төхвәтуллиннар гаиләсендә зур шатлык
Иҗади гаиләнең кечкенә кызлары Диләрә быел Казан консерваториясен тәмамлаган.
«Менә барысы да бетте. Биш ел бик тиз үтеп китте. Мин Казан консерваториясен тәмамладым. Бу биш ел дәвамында, ә көллият белән бергә тугыз ел буе миңа таяныч булучыларга, кулга-кул тотынып эшләгән һәркемгә зур рәхмәт. Гаиләмә, дусларыма, яраткан кешемә, булганыгыз өчен рәхмәт. Мин сезне бик яратам һәм сезнең терәк булуыгыз - минем өчен бәһасез! 9 ел элек миңа ышанган, иңгә-иңгә куеп бергә эшләгән кеше, педагогым Хәйретдинова Клара Әкрәм кызына рәхмәт! Сезгә булган хөрмәтемне, мәхәббәтемне җиткерергә сүзләр генә җитмәс. Менә барысы да бетте... Ниһаять!» - дип яза социаль челтәрендә Диләрә Төхвәтуллина.
«Котлыйбыз сине, йолдызыбыз!» - дип котлаган Диләрәне якыннары.