Мәскәүдә актер Михаил Ефремовның 31 яшьлек улы Николай 3нче каттагы фатиры тәрәзәсеннән егылып төшкән. Аны реанимациягә алып киткәннәр. Бу хакта НТВ телеканалы сайты яза.
Актерны Пролетарский проспектындагы йорт янында тапканнар. Ир-ат янында таба яткан, Николай ярдәм сорап кычкырган. Шаһитләр әйтүенчә, Николай наркотиклар тәэсирендә булган булырга мөмкин.
Егылгач, Николайның бот һәм оча сөякләре сынган.
Фото: © НТВ телеканалы сайты
Юдин исемендәге хастаханә табиблары 31 яшьлек актерга ашыгыч операция ясаган, хәзер аның гомеренә куркыныч янамый.
Николайның хатыны сүзләренә караганда, ул алкоголизмнан интегә һәм ПНДда учетта тора. Николай Ефремов исә фатир тәрәзәсеннән очраклы егылып төшүен һәм беркемгә дә бернинди дә дәгъвасы булмавын әйткән.