Актаныш районында юл һәлакәтендә ике кеше үлгән, биш кеше имгәнгән
Каршы як полосага чыккан «Лада Гранта» йөртүчесе һәм аның салонындагы 44 яшьлек пассажир хатын-кыз урында ук үлә.
14 августта Актаныш районының Пучы авылы янында М7 трассасында коточкыч авария булган. Бу турыда Татарстан буенча Эчке эшләр министрлыгына сылтама белән «Татар-информ» хәбәр итте.
Авария шаһитлары сүзләренчә, биредә «Лада» һәм Volkswagen кара-каршы бәрелешкән.
Ике кеше һәлак булуы, тагын биш кешене, шул исәптән ике баланы хастаханәгә озатканнар.
«Подслушано в Актаныше» төркемендә авария видеосы чыкты.
«Татарстан» телеканалы Эчке эшләр министрлыгына сылтама белән хәбәр иткәнчә, «Лада Гранта» машинасы белән 32 яшьлек ир-ат идарә иткән. Ул Уфа ягыннан килгәндә каршы як полосага чыккан һәм зур тизлектә килгән килеш Volkswagen автомобиленә бәрелә.
«Лада Гранта» йөртүчесе һәм аның салонындагы 44 яшьлек пассажир хатын-кыз урында ук үлә. Ике кеше авыр имгәнә, диелә хәбәрдә.
