Бүген Татарстанның Аксубай районындагы Яңа Чуаш Әдәмсуы авылында бер йорт янган. Бу хакта «Татар-информ» хәбәр итә.
Ут 45 квадрат мәйданны чолгап алган, аны янгын сүндерүчеләр килеп җиткәнче сүндергәннәр. Бүрәнә йортның барлык тәрәзәләре һәм түбәсеннән төтен чыккан.
«Татар-информ»га Россия Гадәттән тыш хәлләр министрлыгының ТР буенча Баш идарәсендә сөйләүләренчә, авыл халкы йорт эченнән аның 61 яшьлек хуҗасының мәетен алып чыккан.
Янгынның башлангыч сәбәбе – ут белән саксыз эш итү, диелә хәбәрдә.
Фото: © Россия Гадәттән тыш хәлләр министрлыгының ТР буенча Баш идарәсе матбугат хезмәте