Америка Кушма Штатларында яшәүче хатын 30 ел элек туңдырылган эмбрионнан ир бала тапкан. Ул дөньяда «иң карт бала» дип танылган. Бу хакта «Комсомольская правда» яза.
«26 июльдә дөньяга килгән Таддеус Дэниел Пирс 30 ел ярым сакланган эмбрионнан үскән», – диелгән MIT Technology Review журналы хәбәрендә.
Хәбәр ителгәнчә, Пирсның әти-әнисе Линда исемле хатын-кызның эмбрионын «уллыкка алган». Ул 30 ел элек, 1994 елда, ЭКО ясаткан. Аның күкәй күзәнәкләреннән 4 эмбрион алганнар, әмма хатынның ире бары тик 1 сабыйга гына ризалашкан. Линда тагын 1 бала табу өметен өзмәгән һәм яралгыларны туңдырылган килеш сакларга карар кылган. Аннан ул эмбрионнарны башка парларга бирергә карар кылган, диелә хәбәрдә.
