АКШның дәүләт секретаре Энтони Блинкен, АКШ Россия белән конфликтта Украинаның җиңәчәгенә шикләнми, дип белдерде һәм «атышны туктату турындагы тәкъдимнәргә сак карарга кушты» дип хәбәр итә РИА Новости.
«Безнең Украинаның җиңәчәгенә һәм уңышына бернинди шигебез юк», – дигән ул Мюнхен конференциясендәге чыгышында.
Дәүләт секретаре моны «украиннар үз илләре, үз киләчәкләре, үз җирләре өчен сугыша» дип аңлаткан.
Ул, атышны туктату турындагы тәкъдимнәргә бик сак карарга кирәк, дигән. Аның фикеренчә, бу – конфликтның чишелмәгән хәлдә тукталып калуына, һәм Россиянең, көч җыеп, яңадан конфликтка керүенә китерергә мөмкин.
«Килешү турында тәкъдимнәр ымсындыргыч булырга мөмкин. Туплар атуын туктауны кем генә теләми икән. Әмма безгә бу очракта булуы ихтимал капкыннарга сак карарга кирәк», – дигән Блинкен.
Блинкен фикеренчә, «гадел һәм нык» тынычлык очрагында Украина җирләрен югалтмаска, шулай ук киләчәктә, конфликт дәвам итмәслек дәрәҗәдә, Россиягә каршылык күрсәтә алырлык булырга тиеш.