АКШтагы клиникада бер бүлектә эшләүче тугыз шәфкать туташы берьюлы бәбигә узган

Портлендтагы иң зур клиникаларының берсендә бер бүлектә эшләүче тугыз шәфкать туташы берьюлы бәбигә узганнар. Алар барысы да бала тудыру бүлегендә эшли, дип яза ABC News.

Хатыннар апрельдән июльгә кадәр аралыкта бәбиләргә тиеш. Алар төрле төстәге карточкалар белән фотога төшеп, кайсы айда әни буласыларын күрсәткәннәр.

Шәфкать туташлары үзләренең хәләтен журналистларга аңлаткан. "Һәрберебезнең бәбигә узуы турындагы хәбәр бәхет өстәп торды. Эшкә киләсең, ә андагы хезмәттәшләрең дә йөкле. Без эчләребезнең үскәнен бергә күзәтәбез, тәэсирләр уртаклашабыз", - дип сөйләгән йөкле шәфкать туташларының берсе Аманда Спир.