Америкага ниятләренә зыян килгән очракта АКШ Киевка корал бирүдән туктарга мөмкин, дип яза The American Conservative журналында сәясәт күзәтүчесе Патрик Бьюкенен. Бу хакта РИА Новости яза.
Автор фикеренчә, Көнбатышта «карчыгалар» – сугыш тарафдарлары – күбрәк булып чыккан. «Америкада «сугыш партиясе» Россия белән мөнәсәбәтләрнең кискенләшүен көтә», – дигән ул. Аның фикеренчә, конгресска республика партиясе вәкилләре килгәнче, демократлар Байденның үтенечен канәгатьләндереп, тагын 38 миллиард долларлык корал бирү турында карар кабул итәчәк. Бу исә – АКШ Украинага язга кадәр корал бирәчәк, һәм конфликт та шул вакытка кадәр дәвам итәчәк, дигән сүз.
АКШның Дәүләт департаменты исә Россия үзенеке дип атаган төбәкләрне беркайчан да танымаячак дип белдерде, дип яза РИА Новости. Бу хакта департаментның рәсми вәкиле Нед Прайс әйтте. «Россия 2014 елда һәм хәзерге вактта аннексияләгән төбәкләрне АКШ беркайчан да танымаячагын аңлатты», – дигән Прайс.