Кытайда акробат хатын-кыз циркта ире белән бергә чыгыш ясаган чакта һәлак булган. Бу турыда РЕН ТВ хәбәр итте.
Фаҗига 17 апрельдә Сучжой шәһәрен янындагы бер авылда була. Әлеге кадрлар социаль челтәрләрдә таралган.
Видеода хатын-кыз бернинди иминиятсез иренең кулына гына тотынып тора. Ир-ат исә тукыма кисәкләренә эленеп тора. Ир белән хатынны автокран күтәрә. Шул чакта хатын ычкынып төшеп китә. Ул хастаханәгә барышлый юлда үлә.
Хакимият вәкилләре моны бәхетсезлек очрагы дип атый. Чыгыш чып-чын булып тоелсын өчен, акробатларның иминияте булмаган.
«Чыгыш ясаучылар югары квалификацияле булса да, хаталар теләсә кайчан килеп чыгарга мөмкин», – ди интернет кулланучылар.
Әлеге тамашаны оештыручыларны закон буенча җәзага тартырга җыеналар, диелә хәбәрдә.