«Ак Барс» хоккей клубының матбугат хезмәте Телеграм-каналында команданың сезон алдында планнары турында видеоролик чыгарды. Аның янына болай дип язылган:
«Җанатарлар: «Сезон алды планы кая?»
Ике атна буенча песиләр белән видео ясаган админ: «Бар да әзер! Планны өйрәнәбез», – ди.
Кадрларда «Туган як» җыры да, симергән песи, песинең спорт белән шөгыльләнүе, биюләр һәм башка кызык мизгелләр бар.
«Татар-информ» искәрткәнчә, узган сезонда Казан командасы КХЛның Көнчыгыш конференциясе таблицасында 5 нче урынны алды. Әнвәр Гатиятуллин командасы I раундта «Автомобилист»ны җиңде (4 – 3), ә II раундта Мәскәүнең «Динамо» командасына җиңелде (2 – 4), сериядә 2 – 0.
КХЛның 2025-2026 сезоны 5 сентябрьдә башлана. Лигада «Барс»ларның беренче оппоненты «Металлург» булачак. Уен Магнитогорскида 6 сентябрьдә була. Ә Казанда беренче уен 10 сентябрьдә «Автомобилист» белән була.
