"Ак Барс" уенчылары Эмиль Гарипов белəн Альберт Яруллин хаҗ кыла - фото
Казанның "Ак Барс" хоккей командасының капкачысы Эмиль Гарипов һəм сакчысы Альберт Яруллин Согуд Гарəбстанга хаҗ кылырга барган.
Бу хакта Эмиль Гарипов үзенең Инстаграм челтəрендəге битендə "дөньяда иң яхшы урын!", - дип язып калдырган. Эмильгə исə җанатарлар "замана яшьлəре өчен иң яхшы үрнəк", "Алланың ярдəме белəн һəр кеше дə анда була алса иде, хаҗ - ислам диненең бер баскычы", "Аллаһ синең һəм барча мөселман кардəшлəреңнең кылган догаларын кабул итсə иде", "спорт та алда, дин дə", дип язганнар.