«Ак Барс» хоккейчысы яман шешен алдыргач та уйнавын дәвам иттерәчәк
Узган сезонда Дмитрий Юдинның калкансыман бизендә яман шеш булуы ачыкланган.
«Ак Барс» хоккей клубында сакчы булып уйнаучы Дмитрий Юдин яман шешкә операция кичергән. Хәзер ул бернинди чикләүләрсез уйнавын дәвам иттерәчәк. Бу турыда «Татар-информ» агентлыгына клубтан хәбәр иттеләр.
«Ак Барс»ның медицина хезмәте тиешле барлык оператив чараларны күрде, хәзер Дмитрийның сәламәтлегенә куркыныч янамый. Спорт белән шөгыльләнү өчен чикләүләр юк. Ул тулы көченә шөгыльләнә һәм уеннарда катнаша ала», — диделәр «Ак Барс»та.
