![Айсылу Габдинова роддомда, акча түләсә дә, коридорда яткан](https://intertat.tatar/images/uploads/news/2020/12/1/35121d5721dea09db9469a40d60516f4dbcccd6c67e19077fd5ef08266f1.jpg)
Күптән түгел генә әни булган җырчы Айсылу Габдинова роддомда яткан вакытын искә төшергән. Ул бу хакта үзенең социаль челтәрендә сөйләгән.
«Роддомда шундый әйбәт кызлар белән палатада яттым. Берсенең улы Лев иде, без – Арслан. Акча түләп ятсам да, бер тәүлек коридорда яттым әле. Бала табучылар бик күп икән», – дип язган җырчы сториста һәм коридорда төшергән фотосын урнаштырган.
![](https://intertat.tatar/images/uploads/553d603e5d7380fe14135fc9786cfeda.png)
Фото: © Айсылу Габдинованың социаль челтәреннән
Ул шулай ук бер палатада яткан кызларны да күрсәтергә булган. «Менә алар белән бик дус булып бергә яттык. Алия гел: «Көлдермә, көлә алмыйм, авырта», – дия иде. Кыскасы, «какашка» төсен сөйләшергә кешеләр бар», – дип көлеп язган Айсылу.
Җырчы бәби табар алдыннан төшкән фотосын да урнаштырган. «Азакка таба мин, шартлармын, дип уйлый идем», – дигән ул, көлә торган смайл куеп.
- Айсылу Габдинова беренче тапкыр әни булды. «Гомер буе көткән могҗизам», – дип язды ул бу хакта үзенең социаль челтәрендә.
- Сабыйга Арслан дигән исем куштылар.
![](https://intertat.tatar/images/uploads/fb7bbe3e8233fe71a07d0a2f7c95007f.png)
Фото: © Айсылу Габдинованың социаль челтәреннән