Татарстанның атказанган артисты, татар эстрадасында иң күп концерт куючыларның берсе Илсөя Бәдретдинованың көндәлек киемнәре дә заказга тегелә, ә сәхнә концертлары турында сүз дә юк. Аның хәтта микрофоны да, шулай ук күпсанлы аксессуарлары да махсус аның өчен ясалган.
Ә аларны кем ясаган дип уйлыйсыз? «ИБ бандасы» төркемендә эшләп киткән якут кызы Айсхана (Анна Попова). Бу хакта ул үзе социаль челтәрдәге сәхифәсендә хәбәр итә һәм яңа эшләнмәләрен күрсәтә. «ИБ» өчен тулысынча кулдан эшләнде», – дип яза ул.
«Күпме хезмәт һәм матурлык», «Молодец, Айсхана», – дип язалар комментарийларда.
«Илсөя Бәдретдинова сүзләре белән брелокларның беренче партиясен Мәскәүдән башлыйбыз», – дип хәбәр итә якут кызы. Брелоклар арасында «Торып бас», «Люблю не могу» һ.б. бар.
