«Тиздән барлык шәһәрләрдә һәм авылларда татар халык бәйрәме Сабан туе уза. Күңел ачабыз, ял итәбез», – дип тәкъдим итә яңа җырын Айрат Сафин.
«Сабантуй» җырының сүзләрен Рәис Гыймадиев иҗат иткән, ә көен җырчы үзе язган.
«Чишмә ага челтер-челтер,
Чыңлый тальян моңнары.
Бөдрә талларга сарылып
Сайрый сандугачлары.
Эх, Сабантуй – халкым туе,
Авыл-шәһәрләр туе.
Шаулатасың бар дөньяны,
Чәчәкле җәйләрне.
Сабантуйда очрашалар
Туганнар, сабакташлар.
Төбәкләр җырга күмелә,
Тарала сагышлар.
Таныштыра, кавыштыра, хисләндерә Сабантуй,
Яшьлегенә кайта күпләр…
Күз яшьләрен тыя алмый...»
