«Эссе» төркеменең элеккеге солисты, танылган алып баручы Айрат Ильясов блогер Олеся Леснаяның сорауларына җавап биргән.
- Айрат, сәлам! «Эссе» төркемен ник таркаттыгыз?
- Сәлам! Аны замана таркатты. Җырлар бетте, Нияз башка өлкәгә кереп китте. Утырып сөйләштек тә, шулай бетте.
- Акча кайда күбрәк эшлисең – концерттамы яки туйдамы?
- Туйда.
- Ничә мең?
- Әйтергә кирәкме аны?
- Әйе инде.
- Яңа елга 100 мең сум дип әйт. 90 мең тирәсе.
- Хатының Гөлназ Сәфәровадан көнләшмиме?
- Юк, бер дә көнләшми.
- Чәчеңне еш буйыйсыңмы?
- Чәч кистергән саен буйыйм.
- Кайчан сәхнәгә җырларга чыгасың?
- Чыкмыйм беркайчан да, чөнки мин үземне җырчы буларак күрмим. Хәзер миңа күбрәк режиссура, алып бару кызык.
- Нинди начар гадәтләрең бар?
- Эчүен эчмим, 2 ел була. Тартуын тармыйм. Әмма, ачуымны китерсәләр бик каты сүгенә алам.
- Һәм табышмак. Алдан сыйпар өчен, арттан яларга кирәк…
- Марка...