Теле- һәм радиотапшырулар алып баручы Айгөл Хәйруллина маҗаралы сәяхәте турында социаль челтәрдәге сәхифәсендә хәбәр итте.
Диңгездә матур ялдан соң, самолетка утырып, кайту юнәлешендә очканнар, әмма билгеләнгән вакытта самолет Казанда төшеп утыра алмаган.
«Шәһәр өстендә 2 сәгать очып йөрдек. Аннары Шереметьевога төштек. Берничә сәгатьтән соң (төгәл әйтә алмыйм, чөнки бу вазгыятьне онытып, йокладым) без кабат Казанга очтык. Ә анда экипаж алмашкан икән, арыганнардыр инде. Ә Казан башка экипаж белән кайтканны аңламады. Аллаһка шөкер, анысы да хәл ителде. Ниһаять, исән-имин кайтып җиттек», – дип яза ул.
