Тукай районына керүче поселокларның берсендә үз йортлары белән яшәүче җырчы Айгөл Шәйхетдинова сторисларында Тукай районында су проблемасы булуы хакында әйтеп үткән. Аның сүзләренчә, район халкы су мәсьәләсендә узган елдан бирле кыенлыклар белән очрашып тора.
Су юк көне буе! Көне буе су көтәбез. Гомумән, мин тиздән зарлана башланачакмын. Бу Тукай районы оятын югалтты. Безнең якларда узган елдан бирле шушы проблема су белән.
Күршеләр каядыр чыкканнар инде, язганнар, ләкин беркем юньләп берни аңлатмаган, – дип сөйләгән, «мыскыл итәләр» дип тә язган Айгөл Шәйхетдинова.