Җырчы Айгөл Нәбиуллина 50 яшьлек юбилеен тамашачысы белән бергә үткәрде. Концерт барышында сәхнәдә кызык кына хәлләр булган.
Җырчы сәхнәдә «отжимание» ясаган. Үзе генә дә түгел, алып баручыларны да ясаттырган әле. «Кемнең шулай сәхнәдә «отжимание» ясаганы бар, ә? Безнең Айгөл генә шулай булдыра ала. 22 тапкыр!» – дип яза дусты турында Айгөл Бариева.
Юбилей концертында җырчы зур бүләккә лаек була. Мәдәниятне үстерүдә казанышлары һәм күпьеллык нәтиҗәле иҗади эшчәнлеге өчен, Айгөл Нәбиуллина «Фидакарь хезмәте өчен» медале белән бүләкләнгән. Котлыйбыз!
