Җырчы Айгөл Бариева гомер бәйрәмен билгеләп үткән. Ул социаль челтәрдәге сәхифәсендә якыннарына, туганнарына, дусларына матур котлаулары өчен рәхмәт белдерә
«Исәнме, 49 яшем! Әйе, әйе, 5 минуттан – 50 яшь! Беркайчан да үз яшемне яшермәдем. Шушы яшемә җитүем белән бәхетлемен.
Мин – бер-берсен яраткан, иң яхшы әти-әниемнең мәхәббәттән туган бердәнбер бәхетле баласы.
Мин ярткан 2 баламның – улымның һәм кызымның бәхетле әнисе.
25 ел яраткан, иң яхшы иремнең бәхетле хатыны идем.
30 елдан артык яраткан эшемдә кайнап яшәгән кеше.
Гомумән, мәхәббәттә яшәгән кеше мин. Мәхәббәт – минем өчен иң мөһим һәм иң беренче урында», – дип язган җырчы, үткән гомергә нәтиҗә ясап.
Айгөл Бариевага виртуаль дуслары да бихисап котлаулар юллаган.