Язучы, журналист Айгиз Баймөхәммәтов гаиләсендәге зур, сөенечле яңалык турында хәбәр итә. Айгиз белән тормыш иптәше Айгөл бүген әти-әни булганнар.
«Ур-ра! Минем улым туды. Рәхмәт сиңа, кадерле Айгөлем», – дип яза ул социаль челтәрләрдә.
Дуслары, Баймөхәммәтовлар гаиләсен әлеге матур вакыйга белән тәбрикләп, котлау сүзләре язып калдырганнар. «Игелекле, сау-сәламәт бала булсын», «Нинди матур хәбәр, бәхете белән үссен», – дигәннәр.
Без дә әлеге теләкләргә кушылабыз, улыгыз үзегезне куандырып, тигез канатлы булып үссен.
Фото: © социаль челтәрләр
