Айдар Галимовның кызы, блогер Гүзәл Галимова Махачкаладан Уфага очканын «иң сәер очыш» дип атаган.
Күпчелек пассажирларның беренче тапкыр самолетка утыруы булган икән.
Пассажирлар, бортпроводникларның сүзләрен тыңламыйча, самолет очып киткәндә һәм утырганда да урыннарыннан торып йөргән. Бәдрәфкә барабыз дип, очучылар утырган кабинага керергә тырышканнар.
«Кыскасы, минем күп кенә дусларым барлыкка килде», – дип ирония белән яза Гүзәл Галимова. «Бортпроводникларның сабырлыкларына көнләшергә генә кала. Алар шулкадәр тыныч», – дигән ул.
