Айдар Галимовның кызы, җырчы Айгизә Галимова стресс кичерүе хакында сөйләгән. Бу хакта Айгизә үзенең блогында яза.
Ул социаль челтәрләрдә таралган: «Шаккатмалы, сез узган җәй бөтенләй башка кеше идегез. Хәтта ышанасы да килми», – дигән мем белән килешүен белдереп: «Күптән түгел фото-видеолар карап утырдым. Нинди сүнгән, җәфаланып беткән караш. Даими үземне гаепләү һәм курку хисе…» – дип язган.
Айгизә Галимова да әтисе юлыннан китеп, музыка белән шөгыльләнә. Актив рәвештә блог алып бара. Бүгенге көндә аның сәхифәсен 30 меңнән артык кеше күзәтә.
