Башкортстанның һәм Татарстанның халык артисты Айдар Галимов төркеме белән юмор остасы Рамил Шәраповның «Җәй җитте, Җәмилә» җыры хәрәкәтләрен кабатларга булган. Сәхнәдә үзен бөтенләй башкача тотучы җырчыга бу хәрәкәтләр кыенрак бирелгән ахры.
«Шәрапов, җиңелрәк нәрсәдер уйлап булмый идеме?!» – дип, Айдар Галимов Шәраповка мөрәҗәгать иткән. Шәрапов исә, бу видеоны үз сәхифәсенә куеп, олуг җырчыга рәхмәтен белдергән.
Аннары Айдар Галимов төркеме белән биюне тамашачысына таныш, үз хәрәкәтләре белән дәвам иткән.
