Татарстанның һәм Башкортстанның халык артисты Айдар Галимовның зур сөенече бар. Ул «Россиянең атказанган мәдәният хезмәткәре» дигән мактаулы исемгә лаек булган. Бу хакта «Башинформ» хәбәр итә.
Әлеге указга Россия Президенты Владимир Путин кул куйган.
Айдар Галимов «Татарстанның халык артисты» исемен – 2008 елда, «Башкортстанның халык артисты» исемен 2011 елда алган.
Җырчыны чын күңелдән котлыйбыз, яңа иҗат уңышлары телибез!
