Күңел тынычлыгың булмаса, бернәрсә дә кирәк түгел, диләр. Бүгенге катлаулы заманда әлеге төшенчәнең кыйммәтен аеруча нык тоя башладык шикелле. Татарстанның һәм Башкортстанның халык артисты Айдар Галимов та ВКонтакте челтәрендәге сәхифәсендә шул турыдагы уйлары белән бүлешкән.
«Күңел тынычлыгы, уйлап карасаң, бик зур нәрсә. Әллә нинди уңышларга ирешергә, әллә нинди байлыклар тупларга, шул ук вакытта күңелеңдә тынычлык булмаска мөмкин. Бу – зур бәхетсезлек. Эшлибез, чабабыз, ниндидер планкалар куябыз, шуңа ирешергә тырышабыз һәм шул вакытта күңел тынычлыгын югалтырга мөмкинбез. Аны каян алып була? Беренчедән, шөкер итәргә, булганына канәгать булырга кирәктер. Күрше тавыгы күркә булып күренә дигәндәй, башкаларның тормышы читтән һәрвакыт яхшырак сыман тоела. Каян беләсең эчтә ниләр барын? Гаиләңнән, балалардан, тормышыңнан канәгатьләнү хисе булса, тормыш җиңелрәк була, миңа калса… Дога уку, Ходай Тәгаләгә ышану, аңа буйсыну да күңел тынычлыгы бирә, – дип язган җырчы
«Иң мөһиме – ил тыныч булсын, барысы да исән-имин әйләнеп кайтсын. Шунда булыр тынычлык»,
«Илдә тынычлык урнашса, балалар, оныклар исән-сау булса, күнел тынычлана. Мин сезнең, Зәйнәбнен җырларын тыңлыйм, җырлар да күңел тынычлыгы бирә», - дип үз ысуллары белән уртаклашканнар Айдар Галимовның социаль челтәрләрдә утыручы дуслары.