Чувашиядә Кече Цивиль елгасында 3 нәни кыз мәетен тапканнар. Якынча белешмә буенча, балалар су коенганда батып үлгән. Бу турыда РЕН ТВ каналы хәбәр итте.
25 майда кич белән соң гына Шихазаны авылында балаларның ата-аналары чаң суга башлый. 9 яшьлек өч кыз урамда йөргәннән соң әйләнеп кайтмый.
«Кече Цивиль елгасыннан 2014 елда туган 3 кыз мәете табылды», – дигән РЕН ТВ каналының үз чыганагы.
Алар су коенганда баткан, дип фаразлана. Елга су коену өчен җиһазландырылмаган.
Россия Тикшерү комитетының Чувашия буенча Тикшерү идарәсе белешмәсе буенча, Чувашиядә 8 һәм 9 яшьлек өч кыз һәлак булган. Балалар җиһазландырылмаган урында су коенган, диелә хәбәрдә.
Кызларның мәетен судан чыгарганнар. Мәрхүмнәрнең мәетендә үлем криминаль характерда булуын күрсәтә торган билгеләр табылмады. Киемнәре, шәхси әйберләре, телефоннары ярда калган, диелә Тикшерү комитеты хәбәрендә.