Аксубайда яшен сугудан янган, дип хәбәр итә «Татар-информ».
Шоссе урамы, 82 йортта яшәүчеләр иртәнге җиделәр тирәсендә янгын турында хәбәр итә. Яшен чардакка суккан була, ут телләре бөтен түбәгә үрли. Янгын мәйданы 480 квадрат метрга җитә. Өч катлы йорттан 81 кешене чыгаралар, аларның берсенә дә зыян килми.
Янгын сүндерүчеләргә ярдәмгә күрше авыллардан да ярдәм килгән. Утны ярты сәгать эчендә сүндергәннәр.
