Әгерҗе районында оста бакчачы булып танылган Халидә апа Гобәева витаминлы чәй ясау сере белән уртаклашты.
Киптерелгән карлыган яфрагы, роза чәчәге, бөтнек, бакча җиләгенең чистартканнан калган өлеше, гөлҗимеш, кабакның барысын бергә кушып чәйнеккә саласың да кайнап чыккан су коясың. Шуңа бер чәй кашыгы шикәр комы салып өстен каплап биш минут пешерәсең.
«Әлеге хуш исле чәй кан басымына, иммунитетны ныгытуга, күз күремен яхшыртуга бик файдалы», – ди Халидә апа.
