«Әгәр юлны әле генә ремонтлаганнар икән, димәк, тиздән монда торбаларны алыштырачаклар»
● ● ●
Король йөрми, ә король йөреше бар.
● ● ●
Безнең авылны артка калдырып, медицина алга зур адымнар ясады.
● ● ●
Хакимияттәге туганнар – коррупция түгел, ә «гаилә хезмәт династиясе».
● ● ●
– Безнең институттагы иң нык таралган ике сүз нинди?
– Мин белмим…
– Әйе шул!
● ● ●
– Менә болай – минем фатирга күч, ашарга әзерлә, үзең дә эшләп алырга онытма һәм минем дорфалыкларга түзеп торырга күнек.
– Ә миңа болар нәрсәгә кирәк?
– Ярар, алайса, башкачарак аңлатам. Кадерлем, мин сиңа ай белән йолдызларны бүләк итәм…
● ● ●
Хатын-кызның «5 минуттан әзер булам» дигәне белән ир-атның «5 минуттан өйгә кайтып җитәм» дигәне – бер
үк нәрсә икәнен чамалаганыгыз булдымы?
● ● ●
Безнең илдә ике әйтем бергә яши:
«Үзегезне дәвалау белән шөгыльләнмәгез» һәм «терапевтка язылу – сентябрь аена».
● ● ●
– Сезнең бу эремчегегез бигрәк кыйммәт, әйтерсең сөттән эшләнгән…
● ● ●
Хәзер өч параллель чынбарлык яши: берсе – телевизорда, икенчесе – интернетта, өченчесе – чын тормышта.
● ● ●
Кешедә тәм, ис тою, күрү сәләтенең берсе юк икән, ул чакта аның калган барлык хисләре көчәя. Шуңа күрә юмор хисе булмаган кешеләрдә үзенең дәрәҗәсен күрсәтү хисе өстенлек ала.
● ● ●
Хәтәр җилдереп барган машинаны инспектор туктата. Рульдә – хатын-кыз.
Тәртип сакчысы кырыс кына:
– Ханым, сез нигә тизлекне арттырасыз? Штраф! – ди ул.
– Беләсезме, иптәш инспектор, мин машинаны бик начар йөртәм. Берәрсен таптатмагаем дип, өйгә ашыга идем.
● ● ●
Танылган язучы янына яшь табиб килә:
– Мин язучы булырга карар кылдым һәм шуңа күрә теңкәмә тиеп беткән медицинаны ташладым. Болай эшләвем белән кешеләргә күбрәк файда китерермен, дип уйлыйм.
– Медицинаны ташлавыгыз белән генә дә сез кешеләргә инде зур файда китергәнсез…
● ● ●
Якутск шәһәренә бару билетының бәясе күпме икәнен белгәч, мин төгәл әйтә алам: Европага ни өчен ярлы кешеләр оча, Якутиягә – байлар.
● ● ●
Русларда бер мәкаль бар: «Знание и труд – всё перетрут!» Шуңа күрәдер инде, хәзер, уку предметы итеп. мәктәпкә «труд» дәресе керттеләр. Нәтиҗәсе – байтак укучылар мәктәпне «с трудом» тәмамлыйлар.
● ● ●
Яңа елда барлык авыл йортларында Интернет барлыкка киләчәк, дип вәгъдә иттеләр. Шуның ярдәмендә кеше газ, кайнар су, җылылык һәм канализация булачагын беләчәк.
● ● ●
Хатыны уйлана:
– Кырынгычы бар, күбек чыгаргычы бар, ноские бар... Барысы да булганда, иргә бүләк алырга бигрәк авыр икән шул!
● ● ●
Доктор Хаус кебек даһи табиб булыр өчен, белем һәм сарказм кирәк. Ә район дәваханәсендә аның сарказмы да җитә.
● ● ●
Авыру – докторга:
– Доктор, бәлки, миңа операция ясамассыз – балаларым бар, хатыным…
– Ясыйбыз, ясыйбыз – минем дә гаиләмне туйдырасым бар!
● ● ●
Соңгы вакытларда дөньяви мәсьәләләр шулхәтле катлауланды, аларны чишәргә хәтта таксистлар да алынмый.
● ● ●
– Ничек яшисең?
– Башкалар ничек, мин дә шулай: яңалыкларны холодильниктан алам, ә ризыкны – телевизордан.
● ● ●
Хәзер кыйммәтле машинаң булу синең бай булуыңны түгел, синең күпме тиеш икәнеңне күрсәтә.
● ● ●
Руль артына утырасың икән – язмышның төрле борылышларына әзер бул.
● ● ●
Кайбер машина йөртүчеләрдән: «Права сатып алгансың, ә «йөртергә өйрәнү»не сатып алмадыңмыни?» – дип сорыйсы килә.
● ● ●
Руль артына утыру белән, сары чәчле чибәркәй бер мизгелдә «буялган сарык»ка әйләнә.
● ● ●
Халык сынамышы: әгәр юлны әле генә ремонтлаганнар икән, димәк, тиздән монда торбаларны алыштырачаклар.