Агач башына менеп утырган егетне коткаручылар алып төшкән — видео
Биеклек яратучы экстремал агач башында утырып өшеп беткән.
Тамбов шәһәрендә үсеп утырган биек чыршы башына менгән егеткә коткаручылар ярдәме кирәк булган. "герой"ны агач башыннан алганнар. Бу турыда "Вести" каналы хәбәр итте.
21 октябрьдә кичке якта бер егет шәһәрдәге биек чыршы башына менгән. Менүен менгән дә бит, ә төшә алмаган.
Коткару операциясен видеога төшергәннәр. Кадрлардан күренгәнчә, агач башында утырган "экстремал" инде өши башлаган булган.
Бу егетнең чыршы башына менү сәбәбе билгеле түгел. Ләкин ул шулкадәр биек менгән, мөстәкыйль төшәр хәле калмаган, диелгән әлеге хәбәрдә.