Киңәшләр сайтында аджика рецепты чыкты. «Хәтта тәҗрибәсез хуҗабикә дә ясый ала, ингредиентлар аз, ә тәме – телеңне йотарлык», – дип язалар бу рецепт турында.
Традицион аджиканың нигезе – томат һәм борыч.
Кирәк
- 2 кг өлгергән, итләч помидор
- 2 кг кызыл татлы борыч
- 400 г кызыл ачы борыч
- 400 г сарымсак
- 100 г тоз
- 150 г шикәр комы
- 100 мл 9 %лы аш серкәсе
Мөһим ньюанс – продуктлар чистартылмаган килеш үлчәнә. Бу күләмнән якынча 4 литр әзер аджика чыга.
Сарымсак әзерләүгә аерым игътибар бирелә. Сарымсак тешләрен кайнар суга салырга (суның кайнарлыгы бармак пешмәслек булсын) һәм 15-20 минутка калдырырга. Шуннан соң ул бик тиз чистарыр.
Барлык яшелчәләрне дә турыдан-туры зурлыгы 4,5 литрдан ким булмаган кәстрүлгә иттарткычның уртача рәшәткәсе аша чыгарырга. Масса кайнап чыккач, тоз, шикәр һәм аш серкәсе өстәргә.
«Аджика куера башлагач, һәм куе белән сыек өлеше аерылгач – ризык әзер дигән сүз», – дип аңлата хуҗабикә. Бу процесс гадәттә 25-30 минут вакытны ала. Әзер продуктны стериль банкаларга тутырып, ябып куялар.