Мордовиядә кроссовер йөртүчесе 1 яшьлек кызны әтисе күз алдында таптый. Сабый һәлак була. Бу турыда Мордовия басмасы яза.
Фаҗига 30 августта Зубовая Поляна бистәсендә була. «Шкода Кадьяк» белән идарә итүче 55 яшьлек ир-ат артка таба барганда, игътибарсызлык аркасында, уң як тәгәрмәче белән сабый баланы таптый.
Сабыйны хастаханәгә илтәләр, тик ул шунда үлә.
Кроссовер йөртүчесе Саранск шәһәрендә яши, ул бистәдә адаша һәм, юл сорар өчен, урам чатына килә. Аңа 33 яшьлек ир-ат очрый. Ул 1 һәм 8 яшьлек ике кызы белән урамга йөрергә чыккан булган. Шунда кроссовер баланы имгәтә.
«Шкода» машинасында арткы парктроник та була, ни өчен йөртүче аның тавышына игътибар итмәгән – билгесез, диелә хәбәрдә.