Балык Бистәсе районы Бикчурай авылы көнендә җырчы Азат Абитовны «мунча чабындырганнар». Сабантуйларда әллә нинди колак ишетмәгән, күз күрмәгән уеннар карап туйган идек бит инде. Авыл көннәрендә дә шушы мәгънәсезлек артыннан куалар икән.
Азат Абитов белән бер апа сулы ваннага утырып бер берсен каен себеркесе белән чаба. Кабат бу уенны оештырган алып баручыга да эләгә.
Азат Абитов бу уенны кызык дип тапкан. Юеш киемнәр белән бәйрәм карау ошап киттеме икән үзенә?
«Фатирда кайнар суны сүндергәннәр иде, рәхмәт мунча кертеп җибәргәнегезгә. Тагын кайсы якларда мондый кызык уеннар оештыралар», - дип яза Азат Абитов социаль челтәрләрдә.
Җырчының дуслары гына ярышны оатмаган. «Уен түгел бу, әллә нәрсә….», «Кызык уен шундый буламы? Адәм көлдерү бит бу», - дип яза алар.