Якутиядә яшәүче ир-ат Яңа ел алдыннан танышының башын балта белән чапкан. Аны үтерүдә шикләнеп кулга алганнар. Бу турыда РЕН ТВ каналы Тикшерү комитетына сылтама белән хәбәр итте.
Тикшерү версиясе буенча, ир-атлар Яңа ел алдыннан талаша, шуннан соң берсе икенчесен үтерә.
«Яңа ел алдыннан ир-ат исерек була. Ул үзе яши торган йортка керә торган бүлмәдә 53 яшьлек танышы белән талаша. Аннары башына берничә тапкыр балта белән бәрә», – дигәннәр Якутия буенча Тикшерү идарәсенең телеграм-каналында.
Имгәнгән ир-ат урында ук үлә. Аңа балта чапкан ир-ат исә күршесенә керә һәм барысын да сөйләп бирә. Күрше полиция чакыра.
Җинаять эше ачылган. Тикшерү бара, диелә хәбәрдә.
