«Хозур дин турында» телеграм-каналында ачуланган чакта үз-үзеңне тоту турында язалар.
Бер сәхабә Расүлебездән салләллаһү галәйһи вә сәлләм: «Миңа нәсыйхәт бир әле, йә Расүлуллаһ!» – дип сораган.
Расүлебез: «Ачуланма», – дип җавап биргән.
Расүлебезнең салләллаһү галәйһи вә сәлләм хәдисләренә таянсак, без бу халәттән котыла алачакбыз. Ачуны туктата торган сүзләр бар.
Расүлебез салләллаһү галәйһи вә сәлләм ачуы чыккан кешегә: «Әгууз̣ү билләәһи минәш-шәйтаанир-раҗиим», – сүзләрен әйтергә кушкан. ⠀
Тәһарәт алу
Расүлебез салләллаһү галәйһи вә сәлләм: «Хакыйкатьтә, ачу килү – шайтаннан, ә шайтан уттан яратылган. Утны су белән сүндерәләр, шуңа күрә ачуы чыккан кеше тәһарәт алсын», – дигән. ⠀
Хакыйкый көч
Расүлебез салләллаһү галәйһи вә сәлләм: «Көрәштә җиңүче түгел, ә ачу чыкканда үзен тыеп калучы көчле», – дип әйткән. ⠀
Ачуны тыйган өчен бирелә торган әҗер-савап
Расүлебез салләллаһү галәйһи вә сәлләм: «Ачуы чыгып, нидер башкара алганда үзен тыеп калган кешенең йөрәген Аллаһы Тәгалә Кыямәт көнендә канәгатьләнү хисләре белән тутырачак», – дигән. ⠀
Дәшмәү
Расүлебез салләллаһү галәйһи вә сәлләм: «Берәрегезнең ачуы чыкса – дәшмәсен», – дигән. ⠀
Эмоцияләрне хәрәктләргә күчерү
Расүлебез салләллаһү галәйһи вә сәлләм: «Ачуың чыкканда басып торсаң – утыр, утырып торганда ачуың чыкса – ят», – дигән.
