Төмән өлкәсендә 6 һәм 10 яшьлек ике малай ясалма күлдә батып үлгән. Абыйлы-энеле туганнар балык тотарга килгән булган. Бу турыда «Вести» каналы хәбәр итте.
Ясалма күл алдан казылган зур чокыр урынында барлыкка килгән. Балаларның мәетләрен судан водолазлар алып чыккан. Хәзер тикшерү эшләре бара.
Фаҗига Решетниково авылында була. Балалар өй янындагы күлгә балык тотарга көндез чыгып китә, ләкин әйләнеп кайтмыйлар. Балалар тирәнлеге 4 метр булган чокыр төбенә ничек төшеп киткәне әлегә билгеле түгел.
Судагы мәетләрне узып баручы өлкәннәр күреп алган. Аннары урынга полиция һәм водолазлар килгән, диелә хәбәрдә.
