Әбри Хәбриев «ТМТВ» телеканалының социаль челтәрдәге сәхифәсендә «10 сорау» тапшыруын алып бара. Ул анда чираттагы кунагы белән әңгәмә вакытында фәлсәфи уй-фикерләрен белдергән.
– Безнең менталитетта, ил халкының менталитетында, бигрәк тә авыл җирлегендә яшәүче халыкның менталитетында, шундый фикер сеңеп калган: «Кеше ни дип әйтер?». Менә ул әйбер бөтен булган хыялларыңны чынга ашырырга, максатларыңа ирешергә шундый зур глобаль киртә ясап куя. Менә шундый – зур бетон дивар (кулларын өскә күтәреп күрсәтә – авт.). Кеше ни дип әйтер, дисең дә, башыңны аска иеп, кире борылып китеп барасың. Кеше үзенең зур хыялларын тормышка ашыра алмый. Менә бу әйбердән китегез әле, зинһар өчен. Кеше тормышы түгел, ул – сезнең тормыш.
