«Әбинең башын әйләндерәсең» - Ризат Рамазанов Мисырда ял итүчеләрне татарча биеткән

Җырчы Зинира һәм Ризат Рамазановлар, гастрольләрен тәмамлап, Мисырга ялга очкан. Ризат исә, ялда да җыр-биюне читкә куеп тора алмаган. Артист социаль челтәрләргә бер немец апасы белән татарча сиптереп биегән видеосын куйды. Безнең татарча биюләр аның да күңеленә хуш килгәнгә охшап тора.

Видео янындагы комментарийларны укуы үзе бер кызык. «Талантлы кеше бөтен яклап та талантлы инде. Булдырасың», «Уф, үтерә, апай да сер бирми», «Бу апай бик оста кылана. Күрәсең, син моның янында көн саен репетиция ясыйсыңдыр», «Әй шәп, үлеп беткән әбиләрне дә терелтә бу», «Әле бу әби кем белән биегәнен дә белсә-ә», «Әбинең башын әйләндерәсең бит» – дип яза халык.