Санкт-Петербургта салкын тиеп авырый башлаган ике балага әбиләре укол кадаган. Шуннан соң сабыйларны көзән җыера, ашыгыч ярдәм чакыралар һәм аларны үпкәләрне ясалма җилләтү (ИВЛ) аппаратына тоташтыралар. Бу турыда "Комсомольская правда" хәбәр итте.
18 майда 69 яшьлек хатын оныкларына ярдәм итәргә җыена. Элек табиб-терапевт булып эшләгән әби кеше 4 яшьлек кызда һәм 7 яшьлек малайда салкын тиюне үзе дәваламакчы була һәм укол ясый. Шуннан соң ике баланы да көзән җыера.
Балаларның атасы сүзләренчә, аның анасының табиб-терапевт дипломы бар, ул балаларны салкын тиюдән дәвалый, укол ясый.
Хәзер сабыйлар хастаханәдә ята. Тикшерү бара, диелә хәбәрдә.