Тамбов шәһәрендә 27 апрельдә бер фатирда янгын чыга. Биредә әби кеше дүрт оныгын уттан коткара. Бу турыда "Вести" каналы хәбәр итте.
Гадәттән тыш хәлләр министрлыгы белешмәсе буенча, вакыйга шәһәрнең төньягында була. Бу фатирда әби кеше һәм аның алты оныгы яши. Фаҗига көнендә ике сабый балалар бакчасында була, тагын дүрт оныгының гомерен әби кеше саклап калу җаен таба.
Әби иң кече оныгын алырга дип ут эченә кергәндә, фатирны төтен баскан була инде. Әби баланы алып чыга, үзе төтенгә буыла башлый. Аңа табиблар ярдәм күрсәтә.
Янгын учагы балалар бүлмәсендә икәне ачыклана. 10 квадрат метр мәйдандагы утны тиз арада сүндереп бетерәләр, диелә хәбәрдә.
